Pfingstwanderung vom 4. Juni 06
Herzlichen Dank an alle Teilnehmer und Helfer!!
Pfingstwanderung vom 4. Juni 06 |
|
Herzlichen Dank an alle Teilnehmer und Helfer!! |
|
|
|
Es Brechtli vo de Wanderig vo eusere Susanne Mir, das sind öpe 30 Zweibeiner mit eusne spannigsgladene Hünd, sind am 9i vo de Staffelegg Richtung Gislifluhe abzottlet. Sogar d Gisela und de Wolfgang sind pünktlich debi gsi, obwohl sie e Umwäg händ müesse fahre. ( e Brugg isch gsperrt gsi ). Hut ab !!! Mir hät das sicher nüm glängt.De Kiro-Fredy het uns denn, alles em Wald entlang, bis zunere schöne Brötlistell gfüert. D Wuffis händ chönne im Brunne trinke, es het aber au söttig debi gha, die händ müesse es Bad neh, d Sunne het sich jo denn au no chli zeigt. Mir, mit Jagge bestückt und chalte Finger, händ de Apéro, wo de Fritz und de Rainer serviert händ, natürlich gnosse....! Zirka e Stund spöter , frisch gestärkt , hämmer de Ruckwäg, eigentlich alles im Wald inne, unter d Füess gno. Die Meischte sind vorus gloffe, wohrschinlich het sie de Hunger plogt, nur händ sie denn d Abzwigig überloffe, anstatt grad händ sie e linke Winkel gmacht. Mir händ sie denn quasi rächts überholt und sind glichzitig bim Parkplatz itroffe. D Hünd, jetzt nüm so glade, mir munter und hungrig, händ eus ufgmacht ins Clubhus. Dört hämmer au die, wo die churzi Route gloffe sind wieder atroffe, sie händ nämlich im Clubhus e Apéro becho. De Hörbi het eus wieder eimol meh mit herrliche Steaks, d Ruth und de Fritz mit verschiedene Salät und d Renate mit ihre, scho legendäre Torte , verwöhnt . Richtig gschlemmeret hämmer ! Am 3i isches Zit gsi für e (Verdauigs-)Spaziergang. De Kari het uns alles de Aare entlang, dure Wald, wieder zrug zum Clubhus gfüert. Vieli händ sich denn verabschiedet, einigi sind no bliebe höckle, es het jo no Torte gha und au Salat hät me no chönne schöpfe. Ich möcht , wohrschinlich im Name vo allne, de Organisatore und Hälfer, Ruth,Fritz,Hörbi,Rainer,Kari, de Margrit wos nid het chönne losi und grad wieder in d Chuchi gstoche isch und em Fredy für die schöni Wanderig, härzlich danke !!!!!!!!!!!! Ups.. natürlich au de Renate für die super Torte ! So, alli wo no nie debi gsi sind............ Es git hoffentlich es Nöchtschsmol (Nächstesmal) Susanne Obrist |
|
Vergrösserung= 1. Bild anklicken dann ..nächste..
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
